"Шоңҡар" башҡорт йәштәре журналының сайты.

Яратып уҡыған баҫмағыҙға яҙылырға онотмағыҙ!
"Шоңҡар" журналына ярты йыллыҡҡа яҙылыу хаҡы - 616 һум 14 тин (бер айға - 102 һум 69 тин). Шулай уҡ журналға яҙылыуҙың арзан юлдарын да тәҡдим итәбеҙ. Коллективығыҙ менән яҙылһағыҙ (кәмендә 5 дана), редакция журналды эшләгән урынығыҙға үҙе килтереп бирә. Ул саҡта почта сығымдарын үҙ өҫтөбөҙгә алабыҙ һәм ярты йылға яҙылыу хаҡы 486 һум килеп сыға.

"Шоңҡар"ҙың видеоканалы

"Шоңҡар" журналының YouTube системаһындағы видеоканалы.  ҠАРАЙБЫҘ!!!

Бейәләйем, бейәләйем, бейәләйем өшөтмәй

Бейәләй “Сысҡан”.
Кәрәк буласаҡ:
Акрил һәм «үлән» (травка) ебе. Еп төҫө үҙегеҙҙең ҡарамаҡҡа.
2,5 йәки 3 һанлы энәләр.
mishata 
32 күҙ йыйып 20 рәт резинка (1 уң күҙ, 1 һул күҙ) бәйләйбеҙ.
21-се рәттә ыңғай бәйләмгә күсәбеҙ, 4 күҙ өҫтәп (күҙҙәрҙең дөйөм һаны 36 булырға тейеш, һәр энәлә 9-ар күҙ), түңәрәк буйынса  ыңғай бәйләм менән 16 рәт бәйләгеҙ.
17-се рәттә баш бармаҡ өсөн 6 күҙҙе булавкаға сисеп ҡалдырабыҙ.
25 рәтте ыңғай бәйләгәс, бейәләйебеҙҙең башы өс мөйөш формала булһын өсөн, 1-се һәм 3-сө энәләге 1-се һәм 2-се күҙҙәрҙе бергә бәйләйбеҙ, 2-се, 4-се энәләге һуңғы һәм унан алдағы күҙҙәрҙе урындары менән алмаштырып, бергә бәйләйбеҙ. 4 күҙ ҡалғас, епте өҙөп, ҡалған күҙҙәр аша үткәреп, бейәләйҙең кире яғына йәшерәбеҙ.
Баш бармаҡҡа ҡайтайыҡ: булавканан 6 күҙҙе энәгә күсерәбеҙ, өҫтән тағы ла 7 күҙ йыябыҙ һәм ике энәгә йәнә берәр күҙ өҫтәйбеҙ. Түңәрәк буйлап 17 рәт бәйләгәс, бәйләмде өҫтә әйтеп үткәненсә ябабыҙ.
Ә хәҙер айырым «Травка» ебе менән сысҡаныбыҙҙың тунын бәйләйбеҙ. Ырғаҡ ярҙамында бейәләйебеҙҙең өҫкө өлөшөндәге беренсе рәттән 20 күҙ йыйып, энәгә күсерәбеҙ. Ыңғай яҡ менән 11–12 см оҙонлоғонда тура мөйөш бәйләйбеҙ, күҙҙәрен япмайынса горизонталь трикотаж йөй менән бейәләйгә тегәбеҙ. Шулай уҡ ситтәренән дә тегеп сығабыҙ.
Тунды бергә ҡушып бәйләп та була.
Ҡолаҡтарҙы бәйләр өсөн 2 һауалы күҙҙән түңәрәк эшләп 12 элеп алынған бағана бәйләйбеҙ. Ҡолаҡтарҙы бейәләйгә ҡушып тегәбеҙ, Танау, күҙҙәр ынйыларҙан эшләнә.
 

ЯҢЫ ЙЫЛДЫ НИСЕК ҠАРШЫЛАЙҺЫҢ, йылды шулай уҙғараһың

1 ғинуар. Таң. Ҡояш ялҡау ғына күккә үрмәләй... Өфө урамдары тып-тын, әйтерһең дә, миллиондан ашыу халыҡ ҡайҙалыр китеп олаҡҡан. Хөрриәт! Аяҡ аҫтында мурт ҡына ҡар шығырлап ята, ә үпкәләрҙе тәмле һауа ҡытыҡлай. Эйе, тап тәмле, сөнки ауылда үҫкәндәр өсөн ҡала һауаһы барыбер саф була алмайҙыр. Октябрь проспекты буйлап онотҡанда бер, аҙашҡандай, яңғыҙаҡ машина уҙып китә. Ҡала һаман йоҡлай, сөнки төнөн аҡылдан шаша яҙып ҡоторондо, туҙынды, алйыны, ә хәҙер – тынысланды. Шаңҡып ял итә.
Эйе, баш ҡалабыҙҙа Яңы йылды ҡаршылағандан һуң һәр саҡ шунай күренеш хөкөм һөрә. Әлегәсә үҙгәрештәр булғаны юҡ. Бер йылды икенсеһенән бары магазин ҡыйыҡтарындағы “Яңы N-сы йыл менән ҡотлайбыҙ!” тигән яҙыуҙар ғына айыра. Ә ҡалғаны ҡәҙимгесә: салют, байрам, иҫерек һәм ярым айыҡ йөҙҙәр... Аҙаҡ ун көнлөк “баш төҙәтеү”... Үәт!
Халыҡта ҡайҙандыр килеп сыҡҡан ырым бар – Яңы йылды нисек ҡаршылайһың, йылды шулай уҙғарасаҡһың. Ғәҙәттә, ырым буш урында барлыҡҡа килмәй, тимәк, илебеҙ, милләтебеҙ, ғаиләбеҙ, шәхсән үҙебеҙҙең бәләләребеҙ ҙә Раштыуа каникулдарына бәйле түгелме икән? Уйлап ҡарағыҙ һуң: Кремль куранттары доң-доң һуҡҡанда һәм Ил башлығы тантаналы һүҙен тотҡанда һәр береһе тиерлек һис кәмендә шампан шарабын ауыҙ итеп, еңелсә “кәйефләнеп” алыуҙы үҙенең бурысы тип һанай. Тап шул ваҡытта ниндәй генә изге теләктәр теләнмәһен, барыбер, зиһенде бер-аҙ хәмер томалаған... Тимәк, йыл дауамында ла “ярым айыҡ” хәлдә булырға тейешбеҙме ни? Бына бит ҡайҙа ракеталарыбыҙҙың насар тикшерелеп, осош барышында шартлау, яңы ғына төҙөлгән биналарыбыҙҙың нигеҙенән сатнау, ремонтланған юлдарыбыҙҙың ҡубыу, машиналарыбыҙҙың түңкәрелеү, табиптарыбыҙҙың хаталаныу, сәйәсмәндәребеҙҙең алдашыу сәбәбе!!!
jany-uyl
Ярым айыҡ бәндәләр өсөн ысынбарлыҡ бер төрлө икенсерәк күренә бит. Фажиғә, хата, гонаһ – барыһы ла кесе, әһәмиәтһеҙ нәмәләр кеүек. Сөнки күңелле бит! Тирә-яҡта барыһы ла шатлана. Тимәк, бер насары ла юҡ. Өҫтәүенә, бокалдар зыңлағанда һаулыҡ, бәхет, байлыҡ, уңыш, мөхәббәт теләнде. Ә теләк – бойомға аша тигән теория ла бар. Тимәк, хәҙер уларҙың өҫтөбөҙгә ямғыр кеүек ҡойола башлауын көтөргә генә кәрәк. Бына-бына, тиҙҙән барыһы ла яҡшы буласаҡ. Йылдың һуңғы айының утыҙ беренсе көнөндә сәғәт ун ике тулғанда бөтә теләктәр ҙә ҡабул ителә лә һуң...
 

Яҙыл да бүләк от!

Республика, район, ҡала матбуғатына яҙылыусылар араһында аҙна һайын бүләк уйнатыла. Конкурста ҡатнашыу өсөн 2017 йылдың тәүге яртыһына, бер йылға үҙегеҙ теләгән гәзит-журналға яҙылып, квитанция күсермәһен үҙегеҙ яҙылған баҫманың редакцияһы адресына ебәрегеҙ. Һәр аҙна һайын еңеүсе билдәләнәсәк. Һөҙөмтәләр һәм еңеүсенең исем-шәрифе рәсми сайтта аҙна һайын баҫыла.
«Шоңҡар»ға яҙылғандар квитанция күсермәһен почта аша ла, электрон адресыбыҙға ла (shonkar@yandex.ru) ебәрә ала. Бүләктәр шәп: көрөшкә-термостар, вазалар, салат өсөн һауыттар йыйылмаһы, сәй бешерә торған сәйгүн, стена сәғәте, плед...
Әйҙәгеҙ, әүҙемерәк булайыҡ!
Ә был аҙна еңеүселәре – Салауат ҡалаһынан С. Бикмөхәмәтова
14 bikmukhametova
һәм Миәкә районы Богдан ауылынан А. Солтанова.
15 sultanova
Хөрмәтле яҙылыусылар, үҙегеҙ тураһында мәғлүмәтте лә (паспорт серия-номеры, ИНН, СНИЛС) беркетергә онотмағыҙ. Бүләктәрҙе редакциянан килеп алыуығыҙ һорала.
 

Аллаһ ризалығы өсөн…

Кешенең донъялағы төп маҡсаты – Аллаһ ризалығына ирешеү. Бер ниндәй ҙә маҡтауҙар, дан һәм шөһрәт бындай мәртәбәгә тиң түгел. Кешеләрҙең фекере, уларҙың тиңһенеүе йә ситкә этәреүе иманлылар өсөн әллә ни әһәмиәтһеҙ. Иң мөһиме – Аллаһтың һинең эштәреңдән риза булыуы.
Ғүмәрҙең улы Абдулла Мөхәммәт пәйғәмбәр ғәләйһиссәләмдән ишеткән бер тарихты һөйләп ҡалдырған.
allah-rizalygyБорон өс кеше юлға сыҡҡан. Төн еткәс, бер мәмерйәгә инеп ятҡандар. Ләкин тау түбәһенән таш тәгәрәп төшөп, мәмерйә ауыҙын ҡаплаған да ҡуйған. Шул тиклем ҙур, этеп кенә шылдырырлыҡ түгел. Доға ҡылайыҡ, ҡылған изгелектеребеҙ арҡаһында, бәлки, бынан ҡотола алырбыҙ, тип килешкәндәр. Тәүге юлсы былай тип башлаған: “Минең үтә ҡартайған атай-әсәйем бар ине. Тәүҙә уларҙы ашатам, шунан һуң ғына ғаиләм һәм малым туйыныр ине. Бер кис утын эҙләп йөрөп оҙаҡлап киттем. Ҡайтыуыма атай-әсәйем йоҡлаған ине. Уларҙы туйындырмайынса, ғаиләмде лә, малымды ла ашатҡым килмәне. Тәмле йоҡоларынан айырыу ҙа уңайһыҙ ине. Балаларым ныҡ ҡына асыҡһа ла, ҡулымдағы һөттө тотоп, уларҙың уянғанын көттөм. Шулай таң аттырҙым. Эй, Аллам! Мин быны һинең ризалығың өсөн эшләгәйнем. Беҙҙе был бәләнән ҡотҡар инде, зинһар!” Таш бер аҙ шыла, ләкин кеше һыйырлыҡ түгел әле.
Икенсе юлсы былай ти: “Эй, Аллам! Минең һөйгән ҡыҙым бар ине, бер-беребеҙҙе ныҡ яраттыҡ. Ләкин һинең ризалығың өсөн мин уға тейергә баҙнат итмәнем. Зинһар, беҙҙең хәлебеҙҙе еңеләйт инде!” Таш был юлы йәнә шыла, әммә һаман кеше һыйырлыҡ түгел.
 

Заманса туй

Быға тиклем күҙгә күренеп кем менәндер күрешеп-һөйләшеп йөрөмәгәс, Зиләйлүктән туйға саҡырыу телеграммаһы алған әсәһе Йәмилә апай тертләп китте. Борсолоуҙарын ире Фәтих ағайға: “Улай беҙҙе саҡырып ятыуы ней икән? Йәтим бала түгел, әйтһә, үҙебеҙҙең дә туй үткәрер хәл бар. Ауылда кешегә күрһәтмәй торған йәшерене барҙыр…” – тине. Фәтих ағай уға иҫе китмәне.
– Эшләп йөрөгәс, беҙҙе бимазалап тормайым, тигәндер. Ҡыуаныр урынына, юҡты ләпелдәйһең. Хәҙер йәштәр аңлы, туйҙы, моғайын, берәй ашханала ғына йыйып үткәрәләрҙер. Иң яҡын туғандарын саҡырып, бер кис ултырһалар, шул етә.
zamansa tuyЫсынлап та, Зиләйлүк менән Заһир ҡалалағы иң матур кафеларҙың береһендә ЗАГС-та яҙылышыуҙарын ғына билдәләп үтергә тип ата-әсәләрен, бер туған апай-ағайҙарын ғаиләләре менән саҡырған. Туй кеүек байрам итергә уйламаһалар ҙа, оло кешеләр ҡуя буламы һуң? Ике яҡ та күрешеп танышҡас, исмаһам, бүләктәрҙе әҙәм рәтле теләктәр теләп тапшырайыҡ, тип, үҙҙәренекен эшләнеләр. Иң тәүге һүҙҙе Фәтих ағай алды:
– Зиләйлүк ҡыҙым, Заһир кейәүем! Һеҙҙе закунлы никахығыҙ менән бар йөрәктән ихлас ҡотлайбыҙ! Беҙ, әлбиттә, ҡоҙа-ҡоҙағыйҙар менән боронғо йола буйынса ла танышып, алдан һөйләшеп-кәңәшләшеп туй үткәрер инек. Әммә, үҙегеҙ ошолай теләгәс, ярай әйҙә. Иң мөһиме – татыулыҡ кәрәк. Иҫән булһаҡ, саҡырышырбыҙ, тағы ла яҡыныраҡ танышырбыҙ, шулай ҙа инде, ҡоҙа, ҡоҙағый, ә?
Фәтих ағай, ҡыуаныстан сыҡҡан күҙ йәштәрен йәшермәй, ҡоҙалары яғына ҡараш ташланы. Улары ла, әллә илап ултырған, күҙ тирәләрен һөртә-һөртә йылмайышҡан булдылар. Быны күҙәткән Йәмилә апай, һинән булмаҫ, тигәндәй, ҡулдарын һелтәп, үҙе алғараҡ сыҡты:
– Балаҡайҙарым! Мин күптән көткәйнем был тантананы. Эрәхмәт яуғырҙары, тимәк, әле үҙебеҙ тере саҡта ейәндәр һөйөргә яҙған икән. Әйҙә, булһын! Хәҙер йәштәрҙең шулайыраҡ шул. Бала алдан уйланыла, шунан ғына туй яһала. Ней булһа ла, балаҡай атай-әсәйле, өләсәй-ҡартәсәйле-олатайлы булһын. Туй тигәндән, тормош туйҙан ғына тормай, уртаҡ булһын уйығыҙ! – тине лә Зиләйлүк менән Заһирға яҡыныраҡ килде. – Бына был юрғанды ҡаҙ мамығының иң йомшаҡтарын ғына һайлап эшләнем. Уныһын үҙегеҙ ябынырһығыҙ. Ә быныһы – бәпес өсөн. Әлбиттә, алданыраҡ әйтһәгеҙ, яҫтығы ла әҙер булыр ине, өлгөртмәнем, ныу, тиҙҙән эшләп бөтөрмөн, килеп апҡайтырһығыҙ. Үәт, минән бүләк булды. Ә атайың бер ҡолондо һеҙгә исемләне. Үҙе әйтергә хәле ҡалманы, күрҙегеҙ. Шулай йомшаҡ күңелле ул… Ҡолондо күпме теләйһегеҙ, шунса үҫтерербеҙ, тәрбиәләрбеҙ.
 
Страница 1 из 108

 telefon_doveriya
antiterr
You are here: Home

Һуңғы яңылыҡтар

Иң уҡылғандар